दिल्ली क्यापिटल्ससँग हारेको पञ्जाब किंग्सलाई शीर्ष दुईमा पुग्न आजको खेल गर या मरको अवस्थामा छ। साथै, मुम्बई इन्डियन्सको नेट रन रेट अन्य तीन छनोट टोलीको तुलनामा राम्रो भएकाले उसलाई फाइदा पुर्‍याउन सक्छ।  पछिल्लो खेलमा दिल्लीविरुद्ध २०० भन्दा बढीको स्कोरको रक्षा गर्न असफल भएपछि अब पञ्जाब किंग्सले आफ्नो बलिङमा सुधार गर्नुपर्नेछ।  बलियो मुम्बई ब्याटिङ लाइन–अप विरुद्ध पञ्जाबका लागि अर्शदीप सिंह (१६ विकेट), युजवेन्द्र चहल (१४ विकेट, जो सामान्य चोटका कारण अन्तिम खेल खेल्न सकेनन्), र मार्को जानसन (१४ विकेट)ले कडा परिश्रम गर्नुपर्नेछ। यता मुम्बईका बुमराहले यस आईपीएलमा हालसम्म नौ खेलमा १६ विकेट लिएर आफ्नो फिटनेस र फर्ममा फर्कने संकेत देखाएका छन्।  साथै, मुम्बईको बलिङमा अन्य बलरहरूले पनि आफ्नो जिम्मेवारी राम्रोसँग निर्वाह गरेका छन्।

नयाँ बलको साथ, ट्रेन्ट बोल्ट (१९ विकेट नम्बर तीन) र दीपक चाहर (११ विकेट)को जोडीले उत्कृष्ट प्रदर्शन गरेका छन्। जसका कारण बुमराहलाई खेलको अन्तिम ओभरको लागि बचाउन सकिन्छ। कुन टिम बलियो ? आइपीएलको इतिहासमा अहिलेसम्म मुम्बई र पञ्जाबबीच ३२ खेल खेलिएका छन्। यसमध्ये मुम्बईले १७ खेल जितेको छ भने पञ्जाब १५ खेलमा सफल भएको छ। यसको अर्थ यो खेल धेरै रोमाञ्चक हुने अपेक्षा गरिएको छ। सम्भावित प्लेइङ इलेवन पञ्जाब किंग्स : प्रियांश आर्य, प्रभसिमरन सिंह, श्रेयस अय्यर (कप्तान), जोश इंग्लिस (विकेटकीपर), शशांक सिंह, नेहल वढेरा, अजमातुल्लाह उमरजाई, मार्को जोन्सन, जेभियर बार्टलेट,अर्शदीप सिंह, युजवेन्द्र चहल।  मुम्बई इन्डियन्स : रायन रिकेल्टन (विकेटकीपर), रोहित शर्मा, विल ज्याक्स, सूर्यकुमार यादव, तिलक वर्मा, हार्दिक पाण्ड्या (कप्तान), नमन धीर, कोर्बिन बोश, दीपक चाहर, ट्रेन्ट बोल्ट, जसप्रित बुमराह।