महोत्तरीमा इँटाले हानेर एक युवकले गरे श्रीमतीको हत्या
२३ फागुन, महोत्तरीको बलवा नगरपालिकामा एक जना युवकले इँटाले हानेर आफ्नी श्रीमतीको हत्या गरेका छन् । बलवा नगरपालिका– ५ का ३२ वर्षीय सत्यनारायण यादवले आफ्नी श्रीमती २४ वर्षीया सुधिरा देवीको इँटाले हानेर हत्या गरेका हुन् ।
शुक्रबार बिहान औरही नगरपालिका–७ स्थित ससुराली घरमा सत्यनारायणले श्रीमती सुधिरालाई इँटाले हानेर हत्या गरेको जिल्ला प्रहरी कार्यालय महोत्तरीले जनाएको छ । केही दिनदेखि सुधिरा माइतीमा बस्दै आएकी थिइन् । ससुरालीमै सत्यनारायण र सुधिराबीच विवाद भएपछि सत्यनारायणले इँटा प्रहार गरेको जिल्ला प्रहरी कार्यालय महोत्तरीका प्रहरी नायब उपरीक्षक सन्तुलालप्रसाद जयसवारले बताए । श्रीमती सुधिराको हत्या गर्ने सत्यनारायणलाई प्रहरीले पक्राउ गरेको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
Post Comment