पोखराविरुद्ध लुम्बिनीका कप्तान रोहितले बनाए अर्धशतक
सारांश
- नेपाल प्रिमियर लिग (एनपीएल)को आफ्नो दोस्रो खेलमा पोखरा एभेन्जर्सविरुद्ध लुम्बिनी लायन्सका कप्तान रोहितकुमार पौडेलले अर्धशतक बनाएका छन् ।
- कीर्तिपुरस्थित त्रिवि क्रिकेट मैदानमा जारी खेलमा टस जितेर ब्याटिङमा आएको लुम्बिनीबाट ३३ बलमा ५० रन पूरा गरे ।
- यसक्रममा उनले सात चौका र एक छक्का प्रहार गरे ।
२१ मंसिर, काठमाडौं । नेपाल प्रिमियर लिग (एनपीएल)को आफ्नो दोस्रो खेलमा पोखरा एभेन्जर्सविरुद्ध लुम्बिनी लायन्सका कप्तान रोहितकुमार पौडेलले अर्धशतक बनाएका छन् ।
कीर्तिपुरस्थित त्रिवि क्रिकेट मैदानमा जारी खेलमा टस जितेर ब्याटिङमा आएको लुम्बिनीबाट ३३ बलमा ५० रन पूरा गरे । यसक्रममा उनले सात चौका र एक छक्का प्रहार गरे । जारी एनपीएलमा यो १०औँ अर्धशतक हो । जारी खेलको १२ ओभर सकिँदा लुम्बिनीले तीन विकेट गुमाएर ८६ रन बनाएको छ । हाल क्रिजमा रोहितसँगै रहेका टम मोरिस १४ रनमा खेलिरहेका छन् ।
लुम्बिनी र पोखरा आज पहिलो जितको खोजीमा छन् । लुम्बिनी यसअघि पहिलो खेलमा विराटनगर किंग्ससँग दुई विकेटले पराजित भएको थियो । यता, पोखरा भने पहिलो खेलमा चितवन राइनोजसँग ८७ रनले र दोस्रो खेलमा जनकपुर बोल्ट्ससँग सात विकेटले पराजित भएको थियो ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया