लागुऔषध गाँजासहित सर्लाहीबाट दुई जना पक्राउ
सारांश
- बरहथवा नगरपालिका–१२ स्थित प्रहरीले आइतबार लागुऔषध गाँजासहित दुई जनालाई पक्राउ गरेको छ।
- हरिवनबाट बेल्हीतर्फ आउँदै गरेको प्रदेश–१–०२–०५२ प ३५०६ नम्बरको रातो–कालो पल्सर मोटरसाइकलमा सवार दुई व्यक्तिलाई शंका लागेर रोकेर जाँच गर्दा उनीहरूको साथबाट ३१ केजी ५९० ग्राम गाँजा बरामद भएको प्रहरीले जनाएको छ।
- मोटरसाइकलको बीचमा प्लास्टिकको बोरामा लुकाएर ल्याइएको अवस्थामा गाँजा फेला परेको हो।
२८ मंसिर, सर्लाही।
बरहथवा नगरपालिका–१२ स्थित प्रहरीले आइतबार लागुऔषध गाँजासहित दुई जनालाई पक्राउ गरेको छ। हरिवनबाट बेल्हीतर्फ आउँदै गरेको प्रदेश–१–०२–०५२ प ३५०६ नम्बरको रातो–कालो पल्सर मोटरसाइकलमा सवार दुई व्यक्तिलाई शंका लागेर रोकेर जाँच गर्दा उनीहरूको साथबाट ३१ केजी ५९० ग्राम गाँजा बरामद भएको प्रहरीले जनाएको छ। मोटरसाइकलको बीचमा प्लास्टिकको बोरामा लुकाएर ल्याइएको अवस्थामा गाँजा फेला परेको हो।
पक्राउ परेकाहरूको साथबाट ३ थान मोबाइल, ७१ हजार ५७५ रुपैयाँ नगद, ९ हजार ७ सय भारतीय रुपैयाँ, एटीएम कार्ड तथा खैरो रङको छालाको खाली ब्याग समेत बरामद गरिएको छ। पक्राउ पर्नेमा लालबन्दी नगरपालिका–१४ ठुलो घुम्ने टोल बस्ने २९ वर्षीय कान्छा राम स्याङतान र सोही वडाको सानो घुम्ने टोल बस्ने २५ वर्षीय मान बहादुर ठोकर रहेका छन्। दुबैलाई जिल्ला अदालतले सात दिनको म्याद थप गरी अनुसन्धान अघि बढाइएको जिल्ला प्रहरी कार्यालय सर्लाहीले जनाएको छ।
प्रतिक्रिया