१ सय ७ किलो गाँजासहित बोलेरो चालक पक्राउ
सारांश
- सिन्धुलीमा लागुऔषध गाँजासहित बोलेरो चालक पक्राउ परेका छन् ।
- पक्राउ पर्नेमा गरुडा नगरपालिका- ४ रौतहट बस्ने १९वर्षीय गोपाल साह रहेका छन् ।
- शुक्रबार बिहान चार बजेको समयमा प्र.
१६ जेठ, सिन्धुली ।
सिन्धुलीमा लागुऔषध गाँजासहित बोलेरो चालक पक्राउ परेका छन् । पक्राउ पर्नेमा गरुडा नगरपालिका- ४ रौतहट बस्ने १९वर्षीय गोपाल साह रहेका छन् । शुक्रबार बिहान चार बजेको समयमा प्र.२–०३–००१ च. ५६७१ नं. को पिकअप गाडीमा १ सय ७ किलो गाँजासहित शाहलाई पक्राउ गरिएको सिन्धुलीका प्रहरी प्रवक्ता सुर्य प्रकास सुवेधीले जानकारी दिए ।
मदन भण्डारी राजमार्गमाअन्तर्गत हरिहरपुरगढी गाउँपालिका- २ स्थित झनझनेमा प्रहरीले चेकजाँच गर्नेक्रममा सिमेन्टको बोरोमा प्याक गरेको ७ पोको गाँजा प्रहरीले बरामद गरेको थियो । उक्त गाँजाको तौल १ सय ७ किलो ११ ग्राम रहेको बताइएको छ । बरामद भएको गाँजा र चालकलाई जिल्ला प्रहरी कार्यालय सिन्धुली ल्याएर विस्तृत अनुसन्धान अगाडि बढाइएको प्रहरीले जनाएको छ ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया