मणिमुकुन्द कप इन्डो–नेपाल भलिबलको उपाधि गल्कोटलाई
सारांश
- गल्कोट भलिबल क्लब बागलुङले रुपन्देहीको तिलोत्तमामा सम्पन्न १०औं मणिमुकुन्द कप इण्डो–नेपाल पुरुष भलिबल च्याम्पियनसिपको उपाधि जितेको छ ।
- रुपन्देहीको मणिमुकुन्द भलिबल क्लबले आयोजना गरेको यस क्षेत्रकै पहिलो रात्रिकालीन प्रतियोगिताको फाइनल शनिबार राति भएको थियो ।
- फाइनलमा भारत गुजरातको साग भलिबल एकेडेमीलाई ३–० को सोझो सेटमा पराजित गर्दै गल्कोटले उपाधि जितेको हो ।
१४ वैशाख, बुटवल ।
गल्कोट भलिबल क्लब बागलुङले रुपन्देहीको तिलोत्तमामा सम्पन्न १०औं मणिमुकुन्द कप इण्डो–नेपाल पुरुष भलिबल च्याम्पियनसिपको उपाधि जितेको छ । रुपन्देहीको मणिमुकुन्द भलिबल क्लबले आयोजना गरेको यस क्षेत्रकै पहिलो रात्रिकालीन प्रतियोगिताको फाइनल शनिबार राति भएको थियो ।
फाइनलमा भारत गुजरातको साग भलिबल एकेडेमीलाई ३–० को सोझो सेटमा पराजित गर्दै गल्कोटले उपाधि जितेको हो । गल्कोटले टिममा इरानी खेलाडीलाई मैदानमा उतारेको थियो । उपाधिसँगै गल्कोटले तीन लाख ११ हजार १११ रुपैयाँ नगद पुरस्कार पाएको छ । यस्तै उपविजेता साग भलिबल एकेडेमी गुजरातले दुई लाख ११ हजार १११ रुपैया नगद पुरस्कार पाएको छ ।
नेपालका तीन विभागीय सहित ८ टिमले भाग लिएको प्रतियोगितामा गत वर्षको उपाधि विजेता त्रिभुवन आर्मी क्लब तेस्रो स्थानमा चित्त बुझाउँदै एक लाख ११ हजार १११ रुपैयाँ तथा चौथो स्थानमा रहेको गण्डकी प्रदेश भलिबल संघले ६६ हजार ६६६ रुपैयाँ नगद पुरस्कार पाए । विजयी टिम र खेलाडीलाई तिलोत्तमा नगरपालिकाका प्रमुख रामकृष्ण खाँण, आयोजक क्लबका अध्यक्ष लोकेन्द्र भण्डारी,प्रतियोगिता संयोजक सुरेन्द्र गुरुङले पुरस्कार तथा प्रमाणपत्र वितरण गरेका थिए ।
प्रतिक्रिया