सुनचाँदीकै मूल्यमा व्यापक गिरावट

२२ वैशाख, काठमान्डौ ।

आज सुनचाँदीकै मूल्य घटेको छ। सुनको मूल्य आज तोलामा ३८ सय रुपैयाँ घटेको नेपाल सुनचाँदी व्यवसायी महासंघले जनाएको छ।  मूल्य घटेर सुनको भाउ आज तोलाको २ लाख ९१ हजार रुपैयाँमा झरेको छ।  हिजो सुनको भाउ तोलाका २ लाख ९४ हजार ८०० रुपैयाँ थियो। गएको आइतबार १ हजार र सोमबार सुनको भाउ तोलामा ३ सय रुपैयाँ घटेको थियो। तीन दिनमा सुनको भाउ तोलाको ५१ सय रुपैयाँ घटिसकेको छ।

त्यसैगरी चाँदीको भाउ पनि आज तोलामा १५० रुपैयाँ घटेर ४ हजार ८८० रुपैयाँमा झरेको छ। हिजो चाँदीको भाउ तोलाको ५ हजार ३० रुपैयाँ थियो। गएको माघ १५ गते एकैदिन तोलामा २० हजार पाँचसय रुपैयाँ बढेर सुनको भाउ तीन लाख ३९ हजार तीनसय रुपैयाँ पुगेको थियो। नेपाली बजारमा सुनको यो मूल्य हालसम्मकै सबैभन्दा उच्च हो।  त्यसैगरि गएको माघ १८ गते चाँदीको मूल्य तोलामा १५ सय ६५ रुपैयाँ घटेको थियो। चाँदीको मूल्यमा आएको यो गिरावट हालसम्मकै सबैभन्दा उच्च हो। माघ १५ गते भने चाँदीको भाउ सात हजार ५०५ रुपैयाँ पुगेको थियो। चाँदीको यो मूल्य अहिलेसम्मकै सबैभन्दा बढी हो।