२३ चैत,काठमाडौं ।
स्नो रिभर्स लिमिटेडले आयोजना प्रभावित क्षेत्रका स्थानीय बासिन्दाका लागि निष्काशन गरेको आईपीओमा आवेदन दिने आज अन्तिम दिन रहेको छ । कम्पनीले प्रतिकित्ता १०० रुपैयाँ दरमा कुल १८ लाख ७५ हजार कित्ता शेयर निष्काशन गर्न नेपाल धितोपत्र बोर्ड बाट अनुमति प्राप्त गरेको थियो ।
पहिलो चरणमा ९ लाख ३७ हजार ५०० कित्ता स्थानीय बासिन्दा र ९३ हजार ७५० कित्ता वैदेशिक रोजगारीमा रहेका नेपालीका लागि छुट्याइएको थियो, जसमा वैदेशिक रोजगारीतर्फको आवेदन चैत १२ गते नै बन्द भइसकेको छ ।आयोजना प्रभावितमध्ये सिरिजङ्गा गाउँपालिका–८ का अति प्रभावित बासिन्दाका लागि ४ लाख ६८ हजार ७५० कित्ता छुट्याइएको छ भने बाँकी शेयर अन्य प्रभावित क्षेत्रका बासिन्दाका लागि विनियोजन गरिएको छ ।स्थानीयले न्यूनतम १० कित्तादेखि अधिकतम १० हजार कित्तासम्म आवेदन दिन सक्नेछन् । आवेदन फाराम विभिन्न बैंक तथा वित्तीय संस्थाका शाखा कार्यालयबाट प्राप्त गरी बुझाउन सकिनेछ ।
प्रतिक्रिया