साफ यू-१९ च्याम्पियनसिप : फाइनल पुग्न बंगलादेशसँग प्रतिस्पर्धा गर्दै नेपाल

प्रेस संवाददाता प्रेस संवाददाता
|
शुक्रबार, जेठ २, २०८२
|
|
५१ पटक हेरिएको
Shares
साफ यू-१९ च्याम्पियनसिप : फाइनल पुग्न बंगलादेशसँग प्रतिस्पर्धा गर्दै नेपाल

सारांश

  • भारतको अरुणाञ्चल प्रदेशमा भइरहेको साफ यू-१९ च्याम्पियनसिप अन्तर्गत आज सेमिफाइनल खेलहरु हुँदैछ ।
  • पहिलो सेमिफाइनलमा नेपालले साविक विजेता बंगलादेशसँग प्रतिस्पर्धा गर्नेछ ।
  • नेपाल र बंगलादेशबीचको खेल गोल्डेन जुब्ली स्टेडियम, युपियामा नेपाली समय अनुसार दिउँसो ३:४५ बजे सुरु हुनेछ ।

 

२ जेठ, काठमाडौं ।

भारतको अरुणाञ्चल प्रदेशमा भइरहेको साफ यू-१९ च्याम्पियनसिप अन्तर्गत आज सेमिफाइनल खेलहरु हुँदैछ । पहिलो सेमिफाइनलमा नेपालले साविक विजेता बंगलादेशसँग प्रतिस्पर्धा गर्नेछ ।नेपाल र बंगलादेशबीचको खेल गोल्डेन जुब्ली स्टेडियम, युपियामा नेपाली समय अनुसार दिउँसो ३:४५ बजे सुरु हुनेछ । बंगलादेश समूह ए को विजेता तथा नेपाल समूह बी को विजेता बन्दै फाइनल प्रवेश गरेका हुन् । माल्दिभ्ससँग बराबरी खेलेको बंगलादेशले भुटानलाई पराजित गरेको थियो ।

यता नेपालले समूहको पहिलो खेलमा श्रीलंकालाई ५-० ले पराजित गरेको थियो । तर भारतसँग ४-० ले पराजित भएपछि समूह बी को उपविजेता बनेको हो । आजै भारत र माल्दिभ्सबीच दोस्रो सेमिफाइनल राती ७:४५ बजे हुनेछ । नेपाल र बंगलादेशबीच गत वर्ष नेपालमै भएको साफ यू-२० च्याम्पियनसिपको फाइनलमा प्रतिस्पर्धा भएको थियो । त्यतिबेला नेपाललाई घरेलु मैदान एन्फा कम्प्लेक्समा पराजित गर्दै बंगलादेशले पहिलो पटक उपाधि जितेको थियो । त्यसबेला समूह चरणमा नेपालले बंगलादेशलाई २-१ ले पराजित गरेको थियो तर फाइनलमा लय कायम राख्न सकेन । बंगलादेशले पुनरागमन गर्दै नेपाल विरुद्ध जित हात पारेको थियो ।

यू-१८/१९/२० उमेर समूहको साफमा अहिलेसम्म यी दुई टोली ५ पटक भिड्दा नेपाल बंगलादेशसँग एक खेलमा मात्र पराजित भएको छ । सन् २०१५ मा भएको पहिलो संस्करणको समूह चरणमा नेपालले बंगलादेशलाई २-१ ले पराजित गरेको थियो । यस्तै २०१७ मा भुटानमा भएको दोस्रो संस्करणको लिग चरणमा पनि नेपालले बंगलादेशलाई २-१ ले नै पराजित गरेको थियो । सन् २०२२ मा भएको खेलमा नेपाल र बंगलादेशले १-१ को बराबरी खेलेका थिए । यस्तै गत संस्करणमा नेपालले बंगलादेशलाई समूह चरणको खेलमा २-१ ले पराजित गरेको थियो । तर फाइनलमा नेपाल बंगलादेशसँग ४-१ ले पराजित भएको थियो । उपाधि जित्ने लक्ष्यसहित भारत पुगेको नेपाल त्यो हारको बदला लिने लक्ष्यमा छ ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
प्रेस संवाददाता
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?

यो पनि पढौँ

सीमानाकाबाट हतियार र लागुऔषधसहित भारतीय युवक पक्राउ
सीमानाकाबाट हतियार र लागुऔषधसहित भारतीय युवक पक्राउ
प्रधानमन्त्रीलाई पदमुक्त गर्न माग गरिएको रिट न्यायाधीशद्वय सुवेदी र पाण्डेको इजलासमा
प्रधानमन्त्रीलाई पदमुक्त गर्न माग गरिएको रिट न्यायाधीशद्वय सुवेदी र पाण्डेको इजलासमा
क्रान्तिकारी कम्युनिस्ट पार्टीको महाधिवेशन आज
क्रान्तिकारी कम्युनिस्ट पार्टीको महाधिवेशन आज
पाल्पामा विद्यार्थी बोकेको बस दुर्घटना, एघार जना घाइते
पाल्पामा विद्यार्थी बोकेको बस दुर्घटना, एघार जना घाइते
फरार सूचीमा रहेका विद्यार्थी नेता यादव धरौटीमा रिहा
फरार सूचीमा रहेका विद्यार्थी नेता यादव धरौटीमा रिहा
प्रधानमन्त्रीसँग छलफल गर्न कांग्रेस सभापति देउवासहित शीर्ष नेता बालुवाटारमा
प्रधानमन्त्रीसँग छलफल गर्न कांग्रेस सभापति देउवासहित शीर्ष नेता बालुवाटारमा
बिकासका काममा ढिलासुस्ति नगर्न मुख्यमन्त्रीको निर्देशन
बिकासका काममा ढिलासुस्ति नगर्न मुख्यमन्त्रीको निर्देशन
२८ वर्षपछि पुनरागमन गरेको नर्वेको शानदार जित, हालान्डको दुई गोल
२८ वर्षपछि पुनरागमन गरेको नर्वेको शानदार जित, हालान्डको दुई गोल
संसद् बैठकमै च्यातियो बजेट पुस्तक
संसद् बैठकमै च्यातियो बजेट पुस्तक
प्रतिकुलता, असहजता, विघ्नवाधामा अनुकुलता खोज्न जरुरीः प्रधानन्यायाधीश राउत
प्रतिकुलता, असहजता, विघ्नवाधामा अनुकुलता खोज्न जरुरीः प्रधानन्यायाधीश राउत