प्रहरीले यसअघि आइतबार सहकारीको रकम ठगी आरोपमा गोर्खा मिडिया नेटवर्कका तत्कालीन सञ्चालक एवं नेपाल प्रहरीका पूर्वडीआईजीजोशीलाई पक्राउ गरेको थियो । जोशीलाई प्रहरीले काठमाडौंबाट नियन्त्रणमा लिएर कास्की लगिएको छ । प्रहरी उच्च स्रोतका अनुसार अब कास्की प्रहरीले जोशीलाई आज जिल्ला अदालतमा म्याद थप गर्नेछ। उनले बयानमा रविलाई पोले भने गिरफ्तारी थप सहज हुने प्रहरी स्रोत बताउँछ।  प्रहरी महानिरीक्षक बसन्तबहादुर कुँवरको ग्रिसतर्फ उड्दै छन् । प्रधानमन्त्रीसमेत देश बाहिर छन् । राष्ट्र संघको महासभामा सहभागी हुन प्रधानमन्त्री ओली अमेरिकामा छन् ।

प्रधानमन्त्री र प्रहरी नेतृत्वसमेत देश बाहिर हुने भएकाले उचित राजनीतिक परामर्श गरेरै रविलाई नियन्त्रणमा लिने तयारी प्रहरीको छ । ‘जोशी विदेश भाग्ने आशंकापछि तत्काल जरूरी पक्राउ पुर्जी जारी गरेर नियन्त्रणमा लिएको हो,’ प्रहरी उच्च स्रोतले  भन्यो, ‘रवि राजनीतिक व्यक्ति भएकाले कतै नभाग्ने देखेपछि तत्काललाई उनको गिरफ्तारी होल्ड गर्न निर्देशन आएको हो ।’ गृहमन्त्री रमेश लेखकले प्रधानमन्त्री तथा मन्त्रिपरिषद्को कार्यालयबाटै प्रतिवेदन कार्यान्वयन गर्न लिखित निर्देशन आएपछि प्रहरी प्रधान कार्यालयलाई प्रतिवेदन कार्यान्वयन गर्न पत्र पठाइएको बताए ।

उनले भने, ‘प्रतिवेदन कार्यान्वयनको प्रक्रिया अगाडि बढिसकेको जोशी पक्राउले पनि देखिन्छ , रवि विदेश भाग्ने पनि होइनन् । उनीमाथि पनि प्रहरीले कारबाही अगाडि बढाउँछ। अब प्रहरीले सबै काम गर्ला।’  रविले आफू छानबिनमा सघाउने बताएपछि उनलाई जबरजस्ती पक्राउ गर्ने मोडमा सरकार नपुगेको स्रोत बताउँछ । तर उनलाई निगरानी गरिरहन गृह मन्त्रालयले प्रहरीलाई निर्देशन दिएको छ।  रविले आज प्रदर्शन गर्ने आशंकामा सम्भावित स्थानमा प्रहरी परिचालन गरिएको छ । रविले आफ्नो बचाउको लागि गर्नसक्ने हर्कतलाई लिएर प्रहरीले आफूलाई तयारी अवस्थामा राखेको प्रहरी मुख्यालयका एक उच्च अधिकृत बताउँछन् ।