२५ चैत,काठमाडौं ।
स्वतन्त्र सांसद महावीर पुन अर्थतन्त्रको विकासको लागि विज्ञान ,प्रविधिलाई उच्च प्राथमिकतामा राख्दै अनुसन्धान र नवप्रवद्र्धनको लागि बलियो मन्त्रालय बनाउन सुझाव दिएका छन् । बुधबार प्रतिनिधिसभाको बैठकमा बोल्दै उनले विज्ञान प्रविधि के हो र अनुसन्धान र नवप्रवद्र्धन कसरी हुन्छ भन्ने थाहा नभए सदनमा एक घण्टाको भाषण दिन आफू तयार रहेको बताए ।
उनले भने, ‘अर्थतन्त्रको विकास गर्नको लागि विज्ञान प्रविधिलाई उच्च प्राथमिकतामा राख्नुपर्छ। अनुसन्धान र नवप्रवद्र्धनको लागि कोष खडा गर्नुपर्छ र बलियो मन्त्रालय बनाउनु जरुरी छ। विज्ञान प्रविधि के हो र अनुसन्धान र नवप्रवद्र्धन कसरी हुन्छ भन्ने थाहा नभए पनि म सदनमा एक घण्टाको भाषण दिन तयार छु।’ सांसद पुनले नेपालमा लामो समयदेखि व्याप्त नातावाद, कृपावाद, चापलुसीवाद र चाकडीवादलाई ‘भाइरस’ भनेका छन्। अहिलेको नयाँ सरकार र नयाँ सांसदहरु यो भाइरसबाट मुक्त हुन प्रयास गर्नुपर्ने उनको भनाई छ ।
उनले भने,‘नेपालमा लामो समयदेखि एउटा भाइरस छ । त्यो भाइरसबाट बच्नु भन्न चाहान्छु । त्यो भाइरस के हो भने नातावाद कृपावाद,चापलुसीवाद र चाकडीवाद हो । यो चाँही भाइरस नै हो । यो भाइरस खासगरी नेपाल एकीकरण भएपछि रणबहादुर शाह जब नाबालक राजा हुनुभयो ,त्यो बेला देखि सुरु भएको अझैसम्म छ ।२००७ सालको क्रान्ति ,४६ सालको क्रान्ति र ६३ सालको जनआन्दोलन हुँदा पनि यो भाइरसले छोडेको छैन । अहिलेको नयाँ सरकार र नयाँ सांसदहरु यो भाइरसबाट मुक्त हुन प्रयास गर्नुपर्यो । आफ्नो आफन्तलाई कुनै पदमा नियुक्त गर्यो भन्ने सुन्न नपरोस् ।
प्रतिक्रिया