हिजो ६ हजार ९ सय घटेको सुनको मूल्य आज बढ्यो, कतिमा हुदैछ करोबार ?
सारांश
- १ मंसिर, काठमाडौं ।
- हिजो तोलामा ६ हजार नौसय रुपैयाँ घटेको सुनको मूल्य आज फेरि बढेको छ।
- सुनको मूल्यमा आज तोलामा पाँचसय रुपैयाँ बढेको नेपाल सुनचाँदी व्यवसायी महासंघले जनाएको छ।
१ मंसिर, काठमाडौं ।
हिजो तोलामा ६ हजार नौसय रुपैयाँ घटेको सुनको मूल्य आज फेरि बढेको छ। सुनको मूल्यमा आज तोलामा पाँचसय रुपैयाँ बढेको नेपाल सुनचाँदी व्यवसायी महासंघले जनाएको छ। मूल्य बढेर आज सुन तोलाको दुई लाख ४३ हजार तीनसय रुपैयाँ पुगेको छ। हिजो तोलामा ६ हजार नौसय रुपैयाँ घटेर सुनको मूल्य दुई लाख ४२ हजार आठसय रुपैयाँमा झरेको थियो।
यसअघि गएको बिहीबार सुन तोलामा पाँच हजार ६ सय रुपैयाँ बढेको थियो भने शुक्रबार तोलामा पाँचसय रुपैयाँ घटेर दुई लाख ४९ हजार सातसय रुपैयाँमा झरेको थियो। गएको असोज ३१ गते सुनको मूल्य तोलाको दुईलाख ५८ हजार आठसय रुपैयाँ पुगेको थियो। सुनको यो मूल्य हालसम्मकै सबैभन्दा उच्च हो। आज चाँदीको मूल्य पनि बढेको छ। हिजो तीन हजार एकसय ३५ रुपैयाँमा किनबेच भएको चाँदीको मूल्य आज तीन हजार एकसय ५५ रुपैयाँ कायम भएको महासंघले जनाएको छ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया