जुवातास खेलिरहेको अवस्थामा १७ जना पक्राउ
सारांश
- २५ मंसिर, काठमाडौं : जुवातास खेलिरहेको अवस्था काठमाडौं र सिन्धुपाल्चोबाट १७ जना पक्राउ परेका छन्।
- काठमाडौंको टोखा नगरपालिका-१० गोंगबु गणेशस्थान बस्ने मिहिर श्रेष्ठको घरमा जुवातास खेलिरहेको अवस्थामा ९ जनालाई सोमबार साँझ प्रहरीले पक्राउ गरेको छ।
- प्रहरी वृत्त महाराजगंजबाट खटिएको प्रहरीले उनीहरूलाई नगद ५० हजार रूपैयाँ, अमेरिकी डलर ७ सय र ४ बुक तास सहित पक्राउ गरेको हो।
२५ मंसिर, काठमाडौं : जुवातास खेलिरहेको अवस्था काठमाडौं र सिन्धुपाल्चोबाट १७ जना पक्राउ परेका छन्। काठमाडौंको टोखा नगरपालिका-१० गोंगबु गणेशस्थान बस्ने मिहिर श्रेष्ठको घरमा जुवातास खेलिरहेको अवस्थामा ९ जनालाई सोमबार साँझ प्रहरीले पक्राउ गरेको छ।
प्रहरी वृत्त महाराजगंजबाट खटिएको प्रहरीले उनीहरूलाई नगद ५० हजार रूपैयाँ, अमेरिकी डलर ७ सय र ४ बुक तास सहित पक्राउ गरेको हो। यसैगरी सिन्धुपाल्चोकको भोटेकोशी गाउँपालिका-४ आठकिलो बस्ने साङदोर्जे शेर्पाको घरमा जुवातास खेलिरहेको अवस्थामा सोही गाउँपालिका-२ तातोपानी बस्ने ३० वर्षीय होम बहादुर गुरुङ समेत ८ जनालाई सोमबार साँझ प्रहरीले पक्राउ गरेको छ।
इलाका प्रहरी कार्यालय बाह्रबिसे समेतबाट खटिएको प्रहरीले उनीहरूलाई नगद १९ हजार ६ सय ८४ रूपैयाँ र ज्याक्पट क्यासिनो मेसिन २ थान सहित पक्राउ गरेको हो। यस सम्बन्धमा प्रहरीले आवश्यक अनुसन्धान गरिरहेको छ।
प्रतिक्रिया