सर्लाहीको मलंगवामा दिउँसै चोरी
सारांश
- राजु यादव सबैको साथ सर्लाहीको मलंगवा नगरपालिका–१० स्थित रंजित यादवको घरमा सोमबार दिउँसो चोरी भएको छ ।
- श्रीमान–श्रीमती दुवै जना जागिरे भएका कारण दिउँसो कार्यालय गएको समयमा चोरले घरको ताल्चा फुटाई दराजभित्र राखिएको गरगहना तथा नगद रकम चोरी गरेको हो ।
- घरधनी कार्यालयबाट फर्किएपछि चोरी भएको थाहा पाएपछि तत्काल प्रहरीलाई जानकारी गराइएको बताइएको छ ।
१ पुस, सर्लाही । राजु यादव सबैको साथ
सर्लाहीको मलंगवा नगरपालिका–१० स्थित रंजित यादवको घरमा सोमबार दिउँसो चोरी भएको छ । श्रीमान–श्रीमती दुवै जना जागिरे भएका कारण दिउँसो कार्यालय गएको समयमा चोरले घरको ताल्चा फुटाई दराजभित्र राखिएको गरगहना तथा नगद रकम चोरी गरेको हो ।
घरधनी कार्यालयबाट फर्किएपछि चोरी भएको थाहा पाएपछि तत्काल प्रहरीलाई जानकारी गराइएको बताइएको छ । घटनास्थलमा पुगेको प्रहरीले आवश्यक मुचुल्का उठाई चोरीमा संलग्न व्यक्तिको खोजी तथा अनुसन्धान सुरु गरेको जनाएको छ । पछिल्लो समय मलंगवामा दिउँसै चोरीका घटना बढ्दै गएको भन्दै स्थानीयवासीहरूले चिन्ता व्यक्त गरेका छन् । स्थानीयवासी तथा प्रहरी प्रशासनले घर बाहिर निस्कँदा ढोका–झ्याल राम्रोसँग बन्द गर्न, छिमेकीसँग समन्वय राख्ने र शंकास्पद गतिविधि देखिए तत्काल प्रहरीलाई जानकारी गराउन नगरवासीलाई आग्रह गरेका छन् ।
प्रतिक्रिया