काठमाडौ ।
जेनजी आन्दोलनमा जिल्ला प्रहरी परिसर, काठमाडौंको कार्यालय प्रमुखको जिम्मेवारीमा रहेका नेपाल प्रहरीका एसएसपी विश्व अधिकारीले बढुवामा छुटेको असन्तुष्टिका कारण राजीनामा दिने हल्ला चलेसगैँ उनी कार्यालयको सम्पर्कमै छैनन् ।
एसएसपी अधिकारी कात्तिक ९ गते पाँच एसएसपीलाई डीआईजी बढुवाका निम्ति भएको सिफारिसमा छुटेका थिए ।

उनी २०८० वैशाख २४ मा भएको एसएसपी बढुवामा अधिकारी पहिलो नम्बरमा थिए । पहिलो नम्बरलाई छुटाएर २ देखि ६ नम्बरसम्मका एसएसपीलाई डीआईजी सिफारिस गरिएपछि उनी असन्तुष्ट रहँदै आएका छन् ।
अहिले उनी केन्द्रीय प्रहरी प्रशिक्षण प्रतिष्ठान, महाराजगञ्जमा खटिएका छन् । प्रतिष्ठानस्रोतका अनुसार न उनले बिदा माग गरेका छन्, न त कार्यालयमै हाजिर भएका छन् । अहिलेसम्म राजीनामा नआएको र उनी सम्पर्कमा पनि नरहेको सचिवालयस्रोतले जनाएको छ ।