काभा यू-१९ महिला भलिबलका लागि नेपालको टोली घोषणा
२८ असोज, काठमाडौं ।
श्रीलंकाको कोलोम्बोमा आगामी कात्तिक १८ देखि २३ गतेसम्म हुने काभा यू-१९ महिला भलिबल प्रतियोगिताका लागि नेपालको अन्तिम टोली घोषणा भएको छ। नेपाल भलिबल संघले प्रशिक्षणका लागि १८ जना खेलाडी छनोट गरे पनि २ जना खेलाडी स्वेच्छाले बन्द प्रशिक्षणमा सहभागी नभएकाले १६ जनामध्येबाट १२ जनाको अन्तिम टोली चयन गरेको छ।
टोलीमा ६ जना नयाँ खेलाडीहरू छन् । अघिल्लो वर्ष यू-२० च्याम्पियनसिपमा खेलेका जेनिसा विश्वकर्मा, मिना सुनार, आसिका क्षेत्री, निशा महर, एन्जिला प्रधान र भावना तामाङ यू-१९ टोलीमा पनि परेका छन् । नेपालको टोली : जेनिसा विश्वकर्मा, मिना सुनार, आसिका क्षेत्री, क्रिस्मा डांगी, निशा महर, सम्झना नेपाली, एन्जिला प्रधान, भावना तामाङ, प्रतिभा चौधरी, स्न्निता खत्री, रेविका लामा तामाङ र विनिता राना
Post Comment