मधेश प्रदेशका श्रम तथा यातायात मन्त्री रायको राजीनामा
२४ भदौ, जनकपुरधाम ।
मधेश प्रदेश सरकारका श्रम तथा यातायात मन्त्री कौशल किशोर रायले मंगलबार पदबाट राजीनामा दिएका छन्। देशको वर्तमान अवस्था र आन्दोलनमा संलग्न बालबालिका तथा सर्वसाधारणमाथि भएको गोली प्रहारप्रति पीडा व्यक्त गर्दै उनले मन्त्री पद छोड्ने निर्णय गरेका हुन्।
सामाजिक सञ्जालमार्फत राजीनामा सार्वजनिक गर्दै रायले आन्दोलनमा ज्यान गुमाएका प्रति श्रद्धाञ्जली अर्पण गरेका छन् भने घाइतेहरूको शीघ्र स्वास्थ्य लाभको कामना गरेका छन्। उनले भनेका छन्, “देशको अवस्था र निमुखा बालबालिकामाथि भएको गोली प्रहारको पीडा गहिरो छ। यस्तो अवस्थामा मन्त्री पदमा रहनु उचित नदेखिएकोले म पदबाट राजीनामा गर्दछु।”
Post Comment