काठमाडौँमा बङ्गलादेशी नागरिकको ह*त्या, एक जना पक्राउ
सारांश
- काठमाडौँ महानगरपालिका वडा नम्बर–१२ स्थित नरदेवीमा बङ्गलादेशका नागरिकको हत्या भएको छ ।
- बुधवार बिहान ३ बजेतिर ५५ वर्षीय सुब्रत पालको हत्या भएको जिल्ला प्रहरी परिसर काठमाडौँका एसपी अपिल बोहराले बताए ।
- मृतक नरदेवीमा सुनका गहना बनाउन काम गर्थे ।
१४ साउन, काठमाडौँ ।
काठमाडौँ महानगरपालिका वडा नम्बर–१२ स्थित नरदेवीमा बङ्गलादेशका नागरिकको हत्या भएको छ । बुधवार बिहान ३ बजेतिर ५५ वर्षीय सुब्रत पालको हत्या भएको जिल्ला प्रहरी परिसर काठमाडौँका एसपी अपिल बोहराले बताए । मृतक नरदेवीमा सुनका गहना बनाउन काम गर्थे । हत्यामा संलग्न आरोपमा प्रहरीले एक जनालाई पक्राउ गरेको छ ।
पक्राउ पर्नेमा नुवाकोटको ककनी गाउँपालिका वडा नम्बर–२ घर भएका ४२ वर्षीय श्याम कालिकोटे छन् । उपत्यका अपराध अनुसन्धान कार्यालय र काठमाडौँ परिसरको संयुक्त टोलीले आरोपीलाई गोङ्गबुबाट पक्राउ गरेको हो । आरोपीले फलामले टाउकोमा प्रहार गरेर हत्या गरेको प्रहरीको अनुसन्धान निष्कर्ष छ । नरदेवीमा फ्ल्याट लिएर बस्दै आएका बङ्गलादेशी नागरिकका सहयोगीले उनी मृत अवस्थामा देखेपछि प्रहरीलाई खबर गरेका थिए । घटनाबारे प्रहरी वृत्त जनसेवाले अनुसन्धान गरिरहेको छ ।
प्रतिक्रिया