माइक्रोबसमा स्याङ्जाबाट आउँदै गरेका यात्रुको श्वासप्रश्वासको समस्याले मृत्यु
सारांश
- माइक्रोबस चढेर स्याङ्जाबाट काठमाडौं आइरहेका एक यात्रुको श्वासप्रश्वासमा समस्या आएर मृत्यु भएको छ ।
- मृत्यु हुनेमा स्याङ्जाको वालिङ नगरपालिका ८ बस्ने ७३ वर्षीय कृष्ण शर्मा छन् ।
- उनी ग २ ख १५७६ नम्बरको माइक्रो बस चढेर शनिबार काठमाडौं आउँदै थिए ।
३० मंसिर, काठमाडौं । माइक्रोबस चढेर स्याङ्जाबाट काठमाडौं आइरहेका एक यात्रुको श्वासप्रश्वासमा समस्या आएर मृत्यु भएको छ । मृत्यु हुनेमा स्याङ्जाको वालिङ नगरपालिका ८ बस्ने ७३ वर्षीय कृष्ण शर्मा छन् ।
उनी ग २ ख १५७६ नम्बरको माइक्रो बस चढेर शनिबार काठमाडौं आउँदै थिए । चितवन आइपुग्दा श्वासप्रश्वासमा समस्या आएपछि उनलाई इच्छाकामना आधारभूत अस्पताल लगिएको थियो । शर्मालाई उनका २६ वर्षीय नातीको साथमा अस्पताल छाडेर माइक्रो बस गन्तव्यतर्फ लागेको थियो ।
अस्पतालका डाक्टरलाई शर्मालाई दिउँसो २ बजेर १० मिनेटमा मृत घोषणा गरेका थिए । शर्माका नाती उत्सवले पोष्टमार्टम नगर्ने भनेर शनिबार साँझ करिब ६ बजे शव बुझी लगेको जिल्ला प्रहरी कार्यालय चितवनले जनाएको छ ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया