सरकारले कप्तानगन्ज घटनापीडितलाई राहत प्रदान गर्ने
सारांश
- सरकारले कप्तानगन्ज घटनापीडितलाई राहत तथा क्षतिपूर्ति प्रदान गर्ने निर्णय गरेको छ।
- बुधबार बसेको मन्त्रिपरिषद्को बैठकले घटनापीडितलाई राहत तथा क्षतिपूर्ति प्रदान गर्ने निर्णय गरेको सरकारका प्रवक्ता एवं शिक्षा तथा खेलकुदमन्त्री सस्मित पोखरेलले जानकारी दिए।
- साउन ९ गते सुनसरीको कप्तानगन्जमा दुई समूहबीच विवाद भएको थियो।
काठमाडौं । सरकारले कप्तानगन्ज घटनापीडितलाई राहत तथा क्षतिपूर्ति प्रदान गर्ने निर्णय गरेको छ। बुधबार बसेको मन्त्रिपरिषद्को बैठकले घटनापीडितलाई राहत तथा क्षतिपूर्ति प्रदान गर्ने निर्णय गरेको सरकारका प्रवक्ता एवं शिक्षा तथा खेलकुदमन्त्री सस्मित पोखरेलले जानकारी दिए।
साउन ९ गते सुनसरीको कप्तानगन्जमा दुई समूहबीच विवाद भएको थियो। विवाद बढ्दै जाँदा झडपको स्थिति आएपछि सुरक्षाकर्मीले गोली चलाएका थिए।
सुरक्षाकर्मीको गोलीले लागेर कप्तानगन्जमा तीन जनाको मृत्यु भएको छ। त्यही घटनापछि विवाद बढ्दै जाँदा सिरहामा सुरक्षाकर्मीको गोली लागेर एक जनाको मृत्यु भएको छ।
तराई मधेशका घटनामा ज्यान गुमाएका परिवारलाई क्षतिपूर्ति र राहत दिने निर्णय भएको प्रवक्ता पोखरेलले जानकारी दिए। त्यस्तै, घाइतेहरूको उपचारको व्यवस्था पनि सरकारले गर्ने निर्णय गरेको छ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया