यस्तै, २२ अप्रिलमा अर्को पत्र पठाउँदै फिफाले प्रतिबन्ध फुकुवामा अघि बढ्न राखेपलाई भनेको हो । “राखेपले एन्फामाथि प्रतिबन्ध लगाउने निर्णय फिर्ता लिनका लागि हाम्रो अनुरोध छ,” पत्रमा भनिएको छ । पत्रमा उल्लेखित चासोको विषय सम्बोधन भए/नभएकोबारे फिफालाई जानकारी गराउन राखेप र एन्फा दुवैलाई भनिएको छ ।

१० वैशाख,काठमाडौं ।

फुटबलको सर्वोच्च निकाय फिफाले २१ जेठभित्र एन्फामाथिको प्रतिबन्ध फुकुवा गर्न राष्ट्रिय खेलकुद परिषद् (राखेप)लाई पत्राचार गरेको छ ।  गत चैत ११ मा राखेपले स्पष्टीकरण चित्तबुझ्दो नभएको भन्दै अखिल नेपाल फुटबल एसोसियसन (एन्फा)लाई निलम्बन गरेको थियो । उक्त निर्णयमा फिफाले आपत्ति जनाउँदै एन्फामाथि तेस्रो पक्षको हस्तक्षेप भएको उल्लेख गरेको थियो ।

अप्रिल ४ मा फिफाले पत्र पठाउँदै निलम्बन फिफा विधानको दफा १४, १९ र एसियाली फुटबल महासंघ (एएफसी) विधानको दफा १५ विपरीत रहेको जनाएको छ । फिफाले यी दफामा आफ्ना सदस्य संघहरूको कुनै पनि तेस्रो पक्षको हस्तक्षेप अनुचित प्रभावबिना आफ्ना मामिला स्वतन्त्र रूपमा व्यवस्थापन गर्नुपर्ने दायित्वलाई जोड दिएको थियो ।  यस्तै, २२ अप्रिलमा अर्को पत्र पठाउँदै फिफाले प्रतिबन्ध फुकुवामा अघि बढ्न राखेपलाई भनेको हो । “राखेपले एन्फामाथि प्रतिबन्ध लगाउने निर्णय फिर्ता लिनका लागि हाम्रो अनुरोध छ,” पत्रमा भनिएको छ । पत्रमा उल्लेखित चासोको विषय सम्बोधन भए/नभएकोबारे फिफालाई जानकारी गराउन राखेप र एन्फा दुवैलाई भनिएको छ ।