मलेसियाविरुद्ध नेपालले पायो १ सय ५ रनको लक्ष्य
सारांश
- १६ असोज, काठमाडौं ।
- द्विपक्षीय महिला टी–२० अन्तर्राष्ट्रिय क्रिकेट शृंखलाको पहिलो खेलमा नेपालले मलेसियाबाट १०५ रनको लक्ष्य प्राप्त गरेको छ।
- क्वालालम्पुरमा टस जितेर ब्याटिङ रोजेको मलेसियाले ४ विकेटको क्षतिमा १ सय ४ रन बनाएको हो ।
१६ असोज, काठमाडौं ।
द्विपक्षीय महिला टी–२० अन्तर्राष्ट्रिय क्रिकेट शृंखलाको पहिलो खेलमा नेपालले मलेसियाबाट १०५ रनको लक्ष्य प्राप्त गरेको छ। क्वालालम्पुरमा टस जितेर ब्याटिङ रोजेको मलेसियाले ४ विकेटको क्षतिमा १ सय ४ रन बनाएको हो । मलेसियाका लागि सबैभन्दा बढी रन कप्तान विनिफ्रेड दुरइसिङ्गमले ४१ बलमा २७ रन बनाइन् । त्यस्तै, आइन्ना हमिजाह हाशिमले ४२ बलमा २६ रनको योगदान दिइन् । मध्यक्रममा आएका मास एलिसाले आक्रामक ब्याटिङ गर्दै १८ बलमा २५ रन प्रहार गरिन् । उनले ३ चौका प्रहार गरिन् ।
अन्य ब्याटरमध्ये महिराह इज्जाति इस्माइल ६ बलमा ५ रनमा अविजित रहिन् भने नुर दानिया स्युहादाले ७ बलमा ७ रन बनाएर रनआउट भइन् । वान जुलिया ८ बलमा ३ रनमा सीमित भइन् । नेपालका लागि सुमन बिष्टले २ विकेट लिए भने रुबिना क्षेत्रीले १ विकेट हात पारिन् । आगामी जनवरीमा नेपालमै महिला टी–२० विश्वकपको ग्लोबल छनोट हुने भएकाले यो सिरिजलाई तयारीका रूपमा लिएको हो । सिरिजमा पाँच खेल हुनेछन्, जसको अन्तिम खेल अक्टोबर ८ मा हुने कार्यक्रम छ ।नेपालको टोलीमा अनुभवी खेलाडी रुबिना क्षेत्री, सीता राना मगरसहित कप्तान इन्दु बर्मा, पूजा महतो, राजमती ऐरि, सम्झना खड्का, कविता जोशी, रिया शर्मा, सोमु बिस्ट, रचना चौधरी, रुबी पोद्दार, यशोदा बिस्ट, सावित्री धामी र कविता कुँवर रहेका छन् ।
प्रतिक्रिया