पेस्तोल र भरुवा बन्दुकसहित ४ जना पक्राउ
सारांश
- ८ असोज, कैलाली ।
- कैलालीको गौरीगंगा नगरपालिकाबाट २ थान पेस्तोलसहित २ जना पक्राउ परेका छन्।
- सोही ठाउँका १९ वर्षका समीर खड्का र १९ वर्षका आभाष चन्दलाई प्रहरीले मंगलबार पक्राउ गरेको जिल्ला प्रहरी कार्यालय कैलालीले जनाएको छ।
८ असोज, कैलाली ।
कैलालीको गौरीगंगा नगरपालिकाबाट २ थान पेस्तोलसहित २ जना पक्राउ परेका छन्। सोही ठाउँका १९ वर्षका समीर खड्का र १९ वर्षका आभाष चन्दलाई प्रहरीले मंगलबार पक्राउ गरेको जिल्ला प्रहरी कार्यालय कैलालीले जनाएको छ। इलाका प्रहरी कार्यालय मालाखेती र इलाका प्रहरी कार्यालय चौमालाबाट खटिएको प्रहरीले समीरलाई पेस्तोल १ थान, म्याग्जिन १ थान र गोली २८ राउण्ड तथा आभाषलाई पेस्तोल १ थानसहित पक्राउ गरेको हो।
यस्तै घटनामा संलग्न अन्य २ जनालाई समेत प्रहरीले गोरखाबाट नियन्त्रणमा लिएको छ। गोरखा, पालुङटार नगरपालिका-३ मैबल बस्ने ६३ वर्षीय रामबहादुर राना मगरलाई एकनाले भरूवा बन्दुक २ थान, बारूद जस्तो देखिने पदार्थ र फलामको गज ४ थानसहित मंगलबार राति प्रहरीले पक्राउ गरेको छ। इलाका प्रहरी कार्यालय ठाँटीपोखरीबाट खटिएको प्रहरीले उनको घर तलासी गर्दा उक्त बन्दुक फेला पारी पक्राउ गरेको हो।
प्रतिक्रिया