१५ पुस, काठमाडौं। नेपाल मेडिकल एसोसिएसन (एनएमए)ले क्रिकेटको नेपाल प्रिमियर लिग (एनपीएल) सिजन-१ को विजेता र उपविजेता टिममा रहेका दुई जना चिकित्सक खेलाडीलाई सम्मान गरेको छ। एनएमएको केन्द्रिय कार्यालयमा आयोजित बधाई तथा शुभकामना कार्यक्रममा विजेता जनकपुर बोल्टबाट खेलेका डा.नविन यादव र सुदूरपश्चिम रोयल्सबाट खेलेका डा. ईशान पाण्डेलाई सम्मान गरेको हो।
सम्मान कार्यक्रममा नेपाल मेडिकल एसोसिएसनका अध्यक्ष डा अनिल बिक्रम कार्की तथा महासचिव संजीव तिवारीले मेडिकल पढाई र पेसासँगै क्रिकेट खेलमा पनि उत्तिकै अब्बल प्रदर्शनी गरेकोमा बधाई दिँदै डाक्टरहरु आफ्नो पेसासँगै खेल र स्वास्थ्य क्षेत्र जोडेर समेत जान सक्छन् भन्ने प्रमाणित गरेकोमा खुसी व्यक्त गरे। बधाई तथा शुभकामना दिन एनएमएका पूर्व अध्यक्षहरु डा भिजराज जोशी, डा अन्जनी कुमार झा, डा मुक्तिराम श्रेष्ठ, वरिष्ठ उपाध्यक्ष डा बद्री रिजाललगायतको उपस्थिति थियो।
प्रतिक्रिया