बाढीपहिरोबाट कृषिमा ५ अर्ब ८३ करोड बराबरको क्षति

यस्तै, १३ सय हेक्टर अलैँची नष्ट भई  ७० करोड रुपैयाँ बरावरको क्षति भएको मन्त्रालयले जनाएको छ । सो क्षति खोटाङ जिल्लाको हो ।पर्साको ८५ हेक्टर क्षेत्रफलको उखु क्षति भएको छ । सो क्षेत्रमा ३४ करोड रुपैयाँ बराबरको क्षति भएको छ । यस्तै, धनुषा, महोत्तरी, सर्लाही, रौतहट, बारा, पर्साका ४५८ हेक्टर माछापोखरीमा १ अर्ब १३ करोड रुपैयाँ बराबरको क्षति भएको छ ।यस्तै, पाँचथर, धनकुटा, तेह्रथुममा २४ पशुगोठमा क्षति पुगेको मन्त्रालयले जनाएको छ यस्तै, बाढी पहिरोमा परी २६ हजार २०५ पशुपन्छी मृत्यु भएको छ । यो क्षति पाँचथर, इलाम, सुनसरी, धनकुटा, सोलुखुम्बु, ओखलढुङ्गा, रामेछाप, दोलखा, ललितपुर, मधेस प्रदेशका सबै जिल्लाको रहेको मन्त्रालयले जनाएको छ । यस्तै, कास्की, नवलपरासी पूर्व, कञ्चनपुर रौतहटजिल्लाको २२ हेक्टर फलफुल बगैचामा क्षति भएको छ ।

यस्तै, खोटाङ, मकवानपुर, चितवन, सप्तरी, सिराहा, धनुषा, बारा, पर्साको ४ हजार ७४३ हेक्टर तरकारी बालिमा नष्ट भएको मन्त्रालयको तथ्यांक छ । यस्तै, बाढी पहिरोका कारणले २ वटा कोल्डस्टोरमा पनि क्षति पुगेको छ । कृषि मन्त्रालय र मातहतको कार्यालयको भौतिक तथा अन्य संरचनाको १६ करोड बराबरको  क्षति भएको तथ्यांक छ । सो संरचना लालवन्दी, नक्टाझिज, गोदावरी, खुमलटार, मुसीकोट, फिकल कीर्तिपुर, मार्फा, नवलपुरको रहेको उल्लेख छ । कृषि मन्त्रालयले अन्य क्षतिको विवरण प्राप्त हुने क्रममा रहेको जनाएको छ ।