चिसो बढेसँगै सर्लाहीमा निःशुल्क दाउरा वितरण

धिरोज यादव

१२ माघ, सर्लाही। सर्लाहीको लालबन्दी, हरिपुर, कविलासी, नगरपालिका लगायत विभिन्न ठाउँमा चिसो बढेसँगै ट्र्याक्टरमा दाउरा बोक्दै बजार क्षेत्रमा बाँड्दै हिँडेका छन् ।
नगरपालिका क्षेत्रका बजार र चोकचोकमा निःशुल्करूपमा दाउरा उपलब्ध गराई आगो ताप्ने व्यवस्था मिलाएको छ । ज्याला मजदुरी गरी दैनिक गुजारा गर्ने व्यक्ति, न्यानो कपडाको जोहो मिलाउन नसक्ने व्यक्ति र बजार क्षेत्रका व्यापारीलाई चिसोबाट जोगाउन आगो ताप्ने व्यवस्था गर्नमा साझेदारी वन उपभोक्ता समिती लागेका छन् । आफूसँग उपलब्ध भएको दाउरा निःशुल्करुपमा वितरण गरी जाडोको समयमा ताप्ने गरी बाँड्ने गरेका गरिएको र अपुग भएका क्षेत्रमा लालबन्दी साझेदारी वनबाट उपलब्ध गरेर दाउरा आवश्यकताका आधारमा वितरण गरिएको छ।

लालबन्दी नगरपालिका लगायतका विभिन्न ठाउँमा साझेदारी वन उपभोक्ता समिती द्वारा ३ क्विन्टल दाउरा वितरण गरिसकिएको साझेदारीका सचिव विनोद जैसवालले बताए । उनले चिसोबाट जोगाउन ४ नगरपालिकाका बढी ठाउँमा आगो ताप्ने व्यवस्था मिलाएका छन् । चिसोका कारण कोही बिरामी नपरुन् र ज्यान गुमाउनु नपरोस् भनेर यस कार्यमा लागेको उनी बताउँछन् ।