झलनाथ पत्नी चित्रकारले गुमाइन् बायाँ हात, वार्डमा सारियो
सारांश
- गत २४ भदौमा आफ्नै निवासमा भएको तोडफोड र आगजनीमा परेर गम्भीर घाइते भएकी पूर्वप्रधानमन्त्री झलनाथ खनालकी पत्नी रविलक्ष्मी चित्रकारले बायाँ हात गुमाएकी छिन् ।
- कीर्तिपुरस्थित बर्न अस्पतालमा उपचाररत चित्रकारको बायाँ हात काटिएको अस्पताल स्रोतले बतायो ।
- स्रोतका अनुसार, शल्यक्रियाका क्रममा उनको बायाँ हात काटिएको हो ।
२ असोज, काठमाडौं ।
गत २४ भदौमा आफ्नै निवासमा भएको तोडफोड र आगजनीमा परेर गम्भीर घाइते भएकी पूर्वप्रधानमन्त्री झलनाथ खनालकी पत्नी रविलक्ष्मी चित्रकारले बायाँ हात गुमाएकी छिन् । कीर्तिपुरस्थित बर्न अस्पतालमा उपचाररत चित्रकारको बायाँ हात काटिएको अस्पताल स्रोतले बतायो ।
स्रोतका अनुसार, शल्यक्रियाका क्रममा उनको बायाँ हात काटिएको हो । पारिवारिक स्रोतले पनि उनको हात काट्न परेको जानकारी दिएको छ । ‘बायाँ हातबाटै एन्टिबायोटिक चलाइएको थियो । उपचारका क्रममा उक्त हात काट्नुपर्ने चिकित्सको सल्लाह अनुसार हात काटिएको हो,’ पारिवारिक स्रोतले भन्यो । उनलाई शल्यक्रियापछि अहिले वार्डमा सारिएको छ । ‘उहाँको स्वास्थ्य अवस्था अहिले ठिक छ , सुधारोन्मुख हुँदै गएको छ,’ अस्पताल स्रोतले भन्यो ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया