टीकापुर बहुमुखी क्याम्पसका जुनियर असिस्टेन्ट वनविरुद्ध भ्रष्टाचार मुद्दा
सारांश
- अख्तियार दुरूपयोग अनुसन्धान आयोगले कैलालीको टीकापुर बहुमुखी क्याम्पसमा जुनियर असिस्टेन्ट पदमा कार्यरत देवराज वनउपर भ्रष्टाचार मुद्दा दायर गरेको छ ।
- उनीविरुद्ध शैक्षिक योग्यताको नक्कली प्रमाणपत्रसम्बन्धी आरोपपत्र बुधबार विशेष अदालतमा दायर गरिएको अख्तियारका प्रवक्ता नरहरि घिमिरेले जानकारी दिए ।
- वनले २०५३ सालमा अस्थायी मुखिया सरहको पदमा नियुक्ति भई २०७५ साल साउन १ गतेदेखि सेवाको निरन्तरता हुने गरी टीकापुर बहुमुखी क्याम्पसमा जुनियर असिस्टेन्ट पदमा समायोजन नियुक्ति हुन नक्कली शैक्षिक योग्यताको प्रमाणपत्र पेश गरेको अभियोगपत्रमा उल्लेख छ।
१९ भदौ, काठमाडौं । अख्तियार दुरूपयोग अनुसन्धान आयोगले कैलालीको टीकापुर बहुमुखी क्याम्पसमा जुनियर असिस्टेन्ट पदमा कार्यरत देवराज वनउपर भ्रष्टाचार मुद्दा दायर गरेको छ । 
उनीविरुद्ध शैक्षिक योग्यताको नक्कली प्रमाणपत्रसम्बन्धी आरोपपत्र बुधबार विशेष अदालतमा दायर गरिएको अख्तियारका प्रवक्ता नरहरि घिमिरेले जानकारी दिए । वनले २०५३ सालमा अस्थायी मुखिया सरहको पदमा नियुक्ति भई २०७५ साल साउन १ गतेदेखि सेवाको निरन्तरता हुने गरी टीकापुर बहुमुखी क्याम्पसमा जुनियर असिस्टेन्ट पदमा समायोजन नियुक्ति हुन नक्कली शैक्षिक योग्यताको प्रमाणपत्र पेश गरेको अभियोगपत्रमा उल्लेख छ।
उनले भारतको दिल्लीस्थित केन्द्रीय माध्यमिक शिक्षा बोर्डबाट जारी भएको एसएलसीको झुट्टा प्रमाण-पत्र पेशगरी सरकारी सेवामा हालसम्म कार्यरत रहेको पुष्टि हुन आएको प्रवक्ता घिमिरेले जारी गरेको विज्ञप्तिमा उल्लेख छ । उनीवरुद्ध भ्रष्टाचार निवारण ऐन, २०५९ को दफा १६ को उपदफा (१) बमोजिम सजाय हुन मागदाबी गरिएको अख्तियारले जनाएको छ ।
प्रतिक्रिया