सर्लाहीमा ट्रकको ठ*क्करबाट वृद्धको मृ*त्यु

सर्लाही, ११ पुस ।

सर्लाहीको नवलपुर मलंगवा सडक अन्तर्गत लालबन्दी नगरपालिका–२, जुटपानीमा‌ शुक्रबार दिउँसो ट्रकको ठक्करबाट एक वृद्धको घटनास्थलमै मृत्यु भएपछि अवस्था तनाव ग्रस्त बनेको छ । नातिनीलाई विद्यालयमा खाजा पुर्याएर साइकलमा घरतर्फ फर्कदै गर्दा जुटपानीस्थित लर्डव्राइड स्कुल अगाडी नवलपुरबाट मलंगवातर्फ आउदै गरेको ना ७ ख ७३६९ नम्वरको ट्रकले ठक्कर दिँदा सोही वार्डका का ६९ वर्षीय मेन्दुक दोर्जे लोप्चनको ज्यान गएको वडाध्यक्ष किरणकुमार पासवानले जानकारी दिए ।

दुर्घटना लगत्तै स्थानीयले ट्रकमा ढुङ्गामुढा गरेका छन् । मृतक लोप्चनको शव अहिले घटनास्थलमै रहेको छ । इलाका प्रहरी कार्यालय लालबन्दीका प्रमुख एवं प्रहरी निरीक्षक (इन्स्पेक्टर) वीरेन्द्रसिंह जोहारीले घटनास्थलको प्रकृति मुचुल्का सङ्कलन गर्ने काम गरिरहेको बताएका छन् । दुर्घटनास्थलमा अहिले ठुलो सङ्ख्यामा सुरक्षाकर्मी तैनाथ भएका छन् । बृद्धलाई ठक्कर दिने ट्रक पनि घटनास्थलमै रहेको छ ।