कोलकत्ताले २५ करोड २० लाख भारुमा क्यामरुन ग्रीनलाई भित्र्यायो
१ पुस, काठमाडौं ।
आईपीएलको अक्सन अहिले दुबईमा चलिरहेको छ । जारी अक्सनमा कोलकत्ता नाइटराइडर्सले अस्ट्रेलियाका अलराउन्डर क्यामरुन ग्रीनलाई २५ करोड २० लाख भारतीय रुपैयाँमा टिममा आबद्ध गरेको छ । आईपीएल अक्सनमा सोल्ड हुने २६ वर्षीय ब्याट्सम्यान क्यामरुन ग्रीन तेस्रो महँगो खेलाडी बनेका छन् ।
यसअघि, लखनउ सुपर जायन्ट्सले रिषभ पन्तलाई २७ करोड भारुमा अनुबन्ध गरेको थियो । श्रेयस एय्यरलाई २६ करोड ७५ लाखमा पंजाब किङ्ग्सले अनुबन्धन गरेको थियो ।ग्रीनको बेस प्राइस २ करोड थियो । २५ करोड २० लाखमा बिक्री भए पनि उनले १८ करोड मात्र पाउने छन् । विदेशी खेलाडीको हकमा १८ करोडभन्दा बढी बोली लागेमा अत्यधिक रकम बीसीसीआईले पाउने प्रावधान रहेको छ ।
Post Comment