२३ वैशाख, काठमाडौं । 

सरकारले हदबन्दी छुटको जग्गा बेच्न दिने प्रस्ताव सहित भूमि सम्बन्धि केही नेपाल ऐन संशोधन गर्ने विधेयक प्रतिनिधिसभामा दर्ता गरेको छ । मंगलबार भूमि व्यवस्था, सहकारी तथा गरिबी निवारण मन्त्रायलयले संसद सचिवालयमा  विधेयक दर्ता गरेको हो । विधेयकले घरजग्गा व्यवसायीलाई सहज हुनेगरी कानुन प्रस्ताव गरेको छ ।

प्रस्तावित विधेयकमा भूमि सम्बन्धी ऐन २०२१ का विभिन्न दफा संशोधनको प्रस्ताव गरिएको छ । प्रचलित ऐनको दफा १२ मा संशोधन गरेर हदबन्दी छुटको जग्गा बेच्न दिने प्रस्ताव गरिएको हो । जसमा भनिएको छ,’ ‘घर जग्गा व्यवसाय गर्न अनुमति लिएको कम्पनीले सूचित आदेशले तोकेको हदभित्रको जग्गा प्रचलित कानुनबमोजिम जग्गा विकास गरी घडेरी वा त्यस्तो घडेरीमा घर निर्माण गरी बिक्री गर्न सक्ने ।’