२३ वैशाख, कैलाली ।

कैलालीमा स्रोत नखुलेको अवैध रुपैयाँसहित २ जनालाई पक्राउ गरिएको छ। स्रोत नखुलेको रकमसहित एक भारतीय नागरिक र एक नेपाली नागरिकलाई पक्राउ गरिएको प्रहरीले जनाएको छ। उनीहरूको साथबाट १७ लाख भन्दाबढी रुपैयाँ बरामद गरिएको छ।  मंगलबार कैलालीको भजनी नगरपालिका–५ गुलरीयाघाट भन्सार कार्यालय नजिकैबाट भारतको उत्तर प्रदेश लखिमपुर खिरीका ३२ वर्षीय अमन

कुमार गर्गले चलाइलाई ८ लाख ९६ हजार ६ सय ६० रुपैयाँसहित पक्राउ गरिएको थियो। यसैगरी, कैलालीको टिकापुर नगरपालिका–१ का १९ वर्षीय अर्मन चौधरीलाई पनि प्रहरीले स्रोत नखुलेको अवैध रुपैयाँसहित पक्राउ गरेको छ। उनको साथबाट ५ लाख ३१ हजार ४ सय भारतीय रुपैयाँ अर्थात ८ लाख ५० हजार २ सय ४० नेपाली रुपैयाँ बरामद गरिएको छ। उनीहरूलाई आवश्यक कारबाहीका लागि राजश्व अनुसन्धान कार्यालय कोहलपुर, बाँके बुझाउने तयारी कैलाली प्रहरीले गरेको छ।