२७ फागुन, सप्तरी — सप्तरीमा सोमबार राति भएको दुई छुटाछुट्टै दुर्घटनामा परी दुईजनाको मृत्यु भएको छ । हुलाकी राजमार्गअन्तर्गत महुलीबाट राजविराजतर्फ आउँदै गरेको को १ ज २८६४ नम्बरको विगंर राजविराज-१ पडरियामा अनियन्त्रित भई दुर्घटना हुँदा रुपनी गाउँपालिका १ का ३५ वर्षीय रघु यादवको मृत्यु भएको छ ।

उनी चालक थिए । विंगरका सहचालक शम्भुनाथ-१ खोक्सरका देवसुन्दर साह भने सकुशल रहेको प्रहरीले जनाएको छ । यसैगरी सोमबार राति नै राजविराजवाट सिगियौनतर्फ जाँदै गरेको मधेश प्रदेश ०६–००१ प २६२८ नम्बरको मोटरसाइकल दुर्घटना हुँदा राजविराज-१२ का चालक २२ वर्षीय घनश्याम यादव गम्भीर घाइते भएका थिए । राजविराजमा प्रारम्भिक उपचारपश्चात थप उपचारका लागि न्युरो अस्पताल विराटनगर पठाइएकोमा उपचारका क्रममा उनको मृत्यु भएको प्रहरीले जनाएको छ ।