खुला सीमा नाका कारण नेपाल र भारत गर्न सजिलो भएकोले यो क्षेत्रमा लागू औषध कारोबार मौलाएको उनको भनाई छ । यसलाई नियन्त्रण गर्नको लागी सरकारले ध्यान दिनुपर्नेमा उनले जोड दिए । यस्तै लागुऔषध नियन्त्रणको लागी कूटनीतिक माध्यमबाट भारतसँग पनि पहल गर्नुपर्ने उनको भनाई छ । उनले भने- ‘कैलालीको विषय अलि जटिल पनि छ । कैलालीमा लागुऔषधको हब पनि बन्दै गएको छ । अझ टिकापुर साइटतिर लागू औषध कारोबार पनि गर्ने, दुर्व्यसन पनि गर्ने । यो हामी जेल अनुगमन गर्न जाने क्रममा पनि यो विषय उठेको थियो । त्यहाँका स्थानीय प्रशासन, प्रहरी प्रशासनले यी विषयहरूलाई उठाएको थियो ।

बैठकमा उनले कैलाली कारागारमा झडपका घटना पटक पटक हुने गरेको बताए । हालको घटना हुनुभन्दा अगाडी नै हिंसात्मक घटना हुँदैछ, भन्ने सूचनाहरू आए पनि सरकारले ध्यान नदिएको उनको आरोप छ । यसअघि २०७८ सालमा कैलाली कारागारमा हिंसात्मक घटना हुँदा एक जनाको मृत्यु भएको उनले जानकारी दिए ।