२९ जेठ, काठमाडौं ।

काठमाडौंको चन्द्रागिरी नगरपालिका९२, नागढुङ्गाबाट प्रहरीले बिहीबार बिहान सिराहा, बिष्णुपुर गाउँपालिका९३ का २१ वर्षीय अमन यादवलाई अवैध लागूऔषध खैरो हेरोइनजस्तो पदार्थ करिब २५ ग्रामसहित पक्राउ गरेको छ । प्रहरी प्रभाग नागढुङ्गा र लागूऔषध नियन्त्रण ब्युरो शाखा कार्यालय नागढुङ्गाको टोलीले सिराहाबाट काठमाडौंतर्फ आउँदै गरेको बा।प्र-०३-००१ ख ३५३७ नम्बरको बस जाँच गर्ने क्रममा उनलाई उक्त पदार्थसहित पक्राउ गरेको हो ।

यस्तै, सुनसरीको धरान उपमहानगरपालिका-१६, जोरसखुवा भूमीपथबाट सोही ठाउँका ३४ वर्षीय रोहित बिष्टलाई बिहीबार दिउँसो अवैध लागूऔषध खैरो हेरोइनजस्तो पदार्थ करिब १.२ ग्रामसहित प्रहरीले पक्राउ गरेको छ । अस्थायी प्रहरी चौकी रेल्वेबाट खटिएको प्रहरी टोलीले उनलाई उक्त पदार्थसहित नियन्त्रणमा लिएको हो । दुवै घटनाबारे प्रहरीले थप अनुसन्धान गरिरहेको छ ।