१३ जेठ, काठमाडौं ।

दलहरुबीच सहमति जुट्न नसक्दा प्रतिनिधिसभा बैठक भोलिसम्मका लागि स्थगित भएको छ । सभामुख र दलका प्रमुख सचेतकहरूबीच दुई पटक छलफल हुँदा पनि सहमति नजुटेपछि बुधबार बिहान ११ बजेसम्मका लागि बैठक स्थगित भएको हो । प्रमुख विपक्षी नेकपा माओवादी केन्द्र र अन्य विपक्षी दलहरूले भिजिट भिसा प्रकरणमा मुछिएका गृहमन्त्री रमेश लेखकको राजीनामा माग

गरी अवरोध गरेपछि बैठक आधा घण्टाका लागि स्थगित भएको थियो । तर, दलहरुबीच सहमति नहुँदा साढे दुई बजेसम्मका लागि बैठक सारिएको थियो ।त्यसपछि बसेको सभामुख र दलका प्रमुख सचेतकको छलफलमा पनि सहमति नजुटेको हो । विपक्षी दलले गृहमन्त्रीले राजीनामा नदिएसम्म बैठक चल्न नदिने बताइसकेका छन् । रास्वपाले उच्चस्तरीय छानबिन समिति बनाएर नै उक्त प्रकरणको छानबिन गर्न माग गरेको छ ।