रौतहटमा एक पुरुष मृ*त फेला

अपराध दुर्घटना समाचार प्रेस संवाददाता

रौतहटमा एक पुरुष मृ*त फेला

१३ वैशाख, रौतहट ।

रौतहटको गौरमा एक पुरुष मृत अवस्थामा भेटिएका छन् । गौर नगरपालिका – १ अन्तर्गत गौर भन्सारको पूर्वपट्टिको बाटोमा शनिबार दिउँसो एक पुरुषको शव फेला परेको प्रहरीले जनाएको छ । साँझ स्थानीयहरूले शव देखेपछि प्रहरीलाई खबर गरेको थियो ।

त्यस लगतै प्रहरीको टोली घटनास्थलमा पुगेर मृतकको बारेमा अनुसन्धान थालेको प्रहरी प्रमुख दिलीप घिमिरेले बताए । उनका अनुसार बेवारिसे अवस्थामा एक पुरुषको शव फेला परेको हो, तर उनको अन्य विवरण भने खुल्न सकेको छैन । उनी मागेर खाने व्यक्ति रहेको प्रहरीको प्रारम्भिक अनुसन्धानमा देखिएको छ । उनको उमेर करिब ३५ रहेको प्रहरीले जानकारी दिएको छ । फेला परेको बेवारिसे शव अहिले पोस्टमार्टमका लागि अस्पताल पठाइको प्रहरीले जनाएको छ ।