गोली हान्ने मध्येका अर्का कामेश्वर यादव सहितका तीनजना फरार रहेका जिल्ला प्रहरी कार्यालय सुनसरीका प्रहरी उपरीक्षक सुमन तिम्सिनाले जानकारी दिए।  यो घटना लेनदेनसँग समेत जोडिएको प्रहरीको अनुसन्धानबाट खुलेको छ। तिमल्सिनाका अनुसार घटनामा ६ जना संलग्न थिए। ती सबै आपराधिक पृष्ठभूमिका व्यक्ति भएको प्रहरीको प्रारम्भिक अनुसन्धानबाट खुलेको छ।  ‘हामी अहिले घटनाको थप अनुसन्धानको क्रममा छौँ,’  एसपी तिम्सिनाले भने, ‘गोली प्रहार गर्ने र घाइते हुने दुवैको पृष्ठभूमि विवादित देखिन्छ।’ पक्राउ परेकामध्ये एकजना एक महिनाअघि मात्र गाँजा तस्करीमा संलग्न व्यक्ति भएका समेत प्रहरीले गरेको छ।

‘उनीहरुबीच तस्करीको रुपैयाँको लेनदेनमा कुरा नमिल्दा पछिल्लो घटना भएको  देखिएको छ। गोली हान्ने र घाइते हुने व्यक्तिहरू सीमानाकामा शंकास्पद गतिविधि गर्ने समूहका सदस्य हुन्,’ एसपी तिम्सिनाले भने।  पक्राउ परेका रवीन यादव यसअघि गाँजा तस्करीमा संलग्न रहेको पाइएको छ। उनी गाँजा तस्करीको आरोपमा पक्राउ परेर छुटेका थिए।  गोली लागेर घाइते भएका शिवकुमार मेहताको अवस्था गम्भीर रहेको प्रहरीले जनाएको छ।  गोली प्रहारमा संलग्न रहेका भनिएका अरु तीनजनाको खोजी भइरहेको प्रहरीको दाबी छ। घटनामा संलग्नहरूको सन्दर्भमा थप अनुसन्धान भइरहेको प्रहरीले जनाएको छ।