यसको लागि सत्तारुढ दल नेपाली कांग्रेस र नेकपा एमालेले कार्यदल नै बनाएर छलफल गरेका छन् ।  अब बस्ने संसद् अधिवेशनबाट विद्यालय शिक्षा विधेयक, संघीय निजामती सेवा गठन, भन्सार विधेयक, बैंकिङ कसुर सजाय विधेयक, राजनीतिक दलसम्बन्धी (दोस्रो संशोधन), धितोपत्रसम्बन्धी (पहिलो विधेयक), आर्थिक कार्यविधि तथा वित्तीय उत्तरदायित्व (पहिलो संशोधन), विद्युत विधेयक, संवैधानिक परिषद्सम्बन्धी ऐन २०६६ लाई संशोधन गर्न बनेको सहितका विधेयक छन् ।

एमालेका मुख्य सचेतक महेश बर्तौलाले आह्वान हुन लागेको संसद् अधिवेशनबाट केही विधेयकहरू पास गर्ने गरी अगाडि बढ्ने तयारी भएको बताए ।  माघको १५ देखि २० गतेको बीचमा संसद् अधिवेशन आह्वान हुने तयारी छ । हाउसलाई प्रभावकारी बनाउन सरकारले बिजनेस दिनेछ,’ बर्तौलाले  भने, ‘यसपटक दलहरूले विद्यालय शिक्षा, संघीय निजामती सेवा गठनसहितका विधेयकलाई टुंगोमा पुर्‍याउँछ ।’