सूर्यदर्शन ठगी प्रकरण: रवि लामिछाने ६५ लाख धरौटीमा रिहा
२५ पुस, काठमाडौँ – कास्की जिल्ला अदालतले सूर्यदर्शन सहकारी ठगी प्रकरणमा राष्ट्रिय स्वतन्त्र पार्टी (रास्वपा) का सभापति रवि लामिछानेलाई धरौटीमा रिहा गर्न आदेश दिएको छ। न्यायाधीश नीतिज राईको इजलासले बिहीबार लामिछानेलाई ६५ लाख रुपैयाँ धरौटीमा रिहा गर्न आदेश दिएको हो।
सहकारीको बचत रकम अपचलन मुद्दामा लामिछानेसहित अन्य प्रतिवादीहरूको थुनछेक बहस बिहीबार नै टुंगिएको थियो। न्यायाधीश राईको इजलासमा पुस १६ गतेदेखि लगातार बहस चल्दै आएको थियो। यस प्रकरणमा लामिछानेसहित पूर्व डिआइजी छविलाल जोशी, लीला पछाई, कृष्णबहादुर गुरुङ, रामबहादुर खनाल लगायतका प्रतिवादीमाथि सहकारी रकम अपचलन, सङ्गठित अपराध, र सम्पत्ति शुद्धीकरणको आरोपमा मुद्दा दायर गरिएको छ।
यो खबर पढेर तपाईलाई कस्तो महसुस भयो ?
+1
+1
+1
+1
+1
Post Comment