२९ असोज , बिराटनगर । सुनसरीको धरान उपमहानगरपालिका-८ स्थित तीनकुनेबाट ठुलो परिमाणमा निषेधित औषधीसहित एक व्यक्ति पक्राउ परेका छन्।

असोज २८ गते बेलुकी ७ बजे अस्थायी प्रहरी चौकी तीनकुने धरानबाट खटिएको प्रहरी टोलीले भद्रपुरबाट धरानतर्फ जाँदै गरेको को. १ ख ७४५१ नम्बरको बसलाई चेकजाँच गर्ने क्रममा बसमा सवार २७ वर्षीय राकेश कुमार यादवलाई नियन्त्रणमा लिएको हो। मोरङको बिराटनगर महानगरपालिका-१२ निवासी यादवले जेब्रा झोलामा लुकाई राखेको १७ हजार ५ सय चक्की स्पास्मो नामक निषेधित औषधी बरामद गरिएको प्रहरीको भनाइ छ।

यादवले सो औषधी लुकाई राखेको थाहा पाएपछि प्रहरीले उनलाई पक्राउ गरेको हो । लागुऔषधीसहित पक्राउ परेका यादवलाई इलाका प्रहरी कार्यालय धरानमा राखेर थप अनुसन्धान जारी रहेको बताइएको छ। स्थानीय प्रहरीका अनुसार, यस्ता घटनामा संलग्न व्यक्तिहरूलाई कानूनी कारबाहीका लागि अनुसन्धान गरिनेछ।