‘अहिलेको सरकार भ्रष्टाचारविरुद्ध होइन संरक्षणमा जन्मिएको सरकार हो । लोकतन्त्रको मर्ममाथि प्रहार गरेर बनेको हो । यसले जनताको हितविपरित गलत निर्णय गरेर अगाडि बढेको छ । यसलाई खबरदारी गर्ने उद्देश्यले आउने १५ गते काठमाडौँमा अलि ठुलै सङ्ख्यामा जनप्रदर्शन गर्ने योजना छ । तपाईं हामी सबैको साझा लडाइँ हो । हामीले जित्नैपर्छ’, उनले भने, ‘सरकारको गलत क्रियाकलापको कारणले राम्रो गर्नेलाई दण्डित गर्ने र नराम्रो गर्नेलाई पुरस्कृत गर्ने उल्टो बाटोमा हिँडेको छ, अलि बढी नै सजग गराउनुपर्ने छ ।

त्यसकारण ठुलो सङ्ख्यामा उपस्थित हुन अपिल गर्न चाहन्छु । चैत १५ गतेपछि देशको राजनीति सही ट्र्याकमा आउने आधार बन्नेछ । फेरि जनताको पक्षमा काम गर्ने वातावरण बन्ने विश्वास व्यक्त गर्दछु ।’ विरोध सभामा उनले मुकेश चौरासियालाई सहिद घोषणा गराउन सरकारसँग पहलकदमी अगाडि बढाउने आश्वासन दिए ।