१६ वैशाख, काठमाडौँ । क्रिकेटर सन्दीप लामिछाने संलग्न रहेको बलात्कारसम्बन्धी मुद्दा अर्को हप्ता प्राथमिकताका साथ पेशीमा राखिने भएको छ ।

आइतबार समय अभावले हेर्न नभ्याइने भएपछि अर्को हप्ता सुनुवाइ हुने भएको हो । उच्च अदालत पाटनका न्यायाधीशद्वय धीरबहादुर चन्द्र र चन्द्रमणि ज्ञवालीको संयुक्त इजलासले भनेको छ, ‘यसमा पक्षहरूको तर्फबाट रहनुभएका कानुन व्यवसायीहरूको सङ्ख्या र निजहरूको बहस गर्न लाग्ने समय समेतलाई मध्यनजर गर्दा प्रस्तुत मुद्दा आज छैटौँ नम्बरमा पेशीमा चढेको कारण समयाभावले हेर्न नभ्याइने हुँदा आगामी हप्ता प्राथमिकतामा पर्ने गरी पेशीमा चढाई नियमानुसार पेस गर्नु ।’

अर्को पेशी वैशाख २३ गतेका लागि तोकिएको छ । काठमाडौँ जिल्ला अदालतले कसुरदार ठहर गरेपछि सन्दीपले उच्च अदालत पाटनमा पुनरावेदन गरेका हुन् ।