सर्लाही समाचारदाता
सर्लाही, ११ मंसिर । राष्ट्रिय मुक्ति क्रान्तिको लागि तयारीमा जुटन राष्ट्रिय मुक्ति पार्टीका अध्यक्ष राजेन्द्र महतो कार्यकर्तासंग आग्रहसंग आग्रह गर्नुभएको छ । सर्लाहीको विष्णु गाउँपालिकामा सोमबार कार्यकर्तासंगको घेटघाट कार्यक्रममा पूर्वउप्रधानमन्त्री समेत रहनुभएका अध्यक्ष महतोले देशमा परिर्वतनका लागि पुनः क्रान्तिको आवश्यकता रहेको बताउनुभयो । त्यसको तयारीमा अहिलेदेखि नै जुट्न उहााँले कार्यकर्तासंग आग्रह गर्नुभएको हो ।

सोमबार विष्णु गाउँपालिकाको बत्रौल, दुल्वा, पकरी फेन्हरा र सिमरा गाउँका कार्यकर्ताहरुसंग भेटघाट गर्नुको साथै राष्ट्रिय मुक्ति पार्टीका अध्यक्ष महतोले पार्टी संगठन विस्तारमा लाग्न कार्यकर्ताहरुलाई निर्देशन दिनुभयो ।

विष्णु गाउँपालिकाको कार्यकर्ता भेटघाट कार्यक्रममा पूर्वमन्त्री रामनेश राय, केन्द्रिय सदस्य अरुण कुमार सिंह, श्याम बाबु सिंह, लालबिहारी यादव, राजेश यादव, बेचन महतो र हुसेन खानको साथै पर्टीका अगुवा नेता राजनन्दन चौधरी, किशोरी यादव, प्रभु चौधरी, बैद्यनाथ महतो, लालबाबु यादव, देवनारायण राय, चन्देश्वर राय, बिजय यादव, संजिव यादव र भोगेन्द्र झा लगायतका नेताहरुको सहभागीता रहेको जिल्ला अध्यक्ष बिनोद साहले जानकारी दिनुभयो ।

आज विष्णु गाउँपालिकाको कार्यकर्तासंग घेटघाट गर्नुभएका अध्यक्ष महतोले भोली कौडेना गाउँपालिकाको सबै वडामा कार्यकर्तासंग घेटघाट गर्ने कार्यक्रम राखिएको जिल्ला अध्यक्ष साहले बताउनुभयो । यसअघि राष्ट्रिय मुक्ति पार्टीका अध्यक्ष राजेन्द्र महतोले पर्सा र ब्रहम्पुरी गाउँपालिकाका कार्यकर्ताहरुसंग घेटघाट गर्नुका साथै अन्तरक्रिया गर्नुभएको थियो ।