मुगु हिमपहिरोमा बेपत्ता भएकाहरूको खोजी गर्न हेलिकप्टर परिचालन।
मुगु हिमपहिरोमा बेपत्ता भएकाहरूको खोजी गर्न हेलिकप्टर परिचालन।
काठमाडौं। मुगुको मुगुम कार्मारोङ गाउँपालिकाको च्यार्खु लेखमा हिमपहिरोमा परी बेपत्ता भएकाहरूको खोजीका लागि सोमबार बिहान नेपाली सेनाको हेलिकोप्टरबाट सुरक्षाकर्मी घटनास्थलमा पठाइएको छ । जिल्ला सदरमुकाम गमगढीबाट हेलिकोप्टरमार्फत सशस्त्र र जनपथ प्रहरी गरी २० जनाको टोली घटनास्थलमा पठाइएको निमित्त प्रहरी नायब उपरीक्षक सुर्दशन पन्थीले बताए ।
गत वैशाख २२ गते इलाका प्रहरी चौकी मुगुबाट घटनास्थलतर्फ प्रहरीहरू खटाए पनि अझै घटनास्थलसम्म पुग्न नसकेपछि जिल्लाबाट थप सुरक्षाकर्मी पठाइएको उनको भनाइ छ । पैदलमार्गबाट सुरक्षाकर्मीलाई घटनास्थलसम्म पुग्न करिब ६ दिन लाग्ने भएकाले गृह मन्त्रालयको पहलमा हेलिकोप्टरमार्फत सुरक्षाकर्मी घटनास्थल पठाएर हिमपहिरोमा बेपत्ता भएका व्यक्तिको खोजी गर्ने निर्णय भएको प्रमुख जिल्ला अधिकारी मोहनबहादुर थापाले जनाए ।
