महोत्तरीमा डाका समूहद्वारा ७० वर्षीय वृद्धको हत्या
७ पुस, महोत्तरीमा डाका समूहको आक्रमणबाट ७० वर्षीय वृद्धको मृत्यु भएको छ। शनिबार डाका समूहले घरमै प्रवेश गरेर आक्रमण गर्दा मनरासिस्वा नगरपालिका–४ साँढा टोल निवासी ७० वर्षीय सुशिला झाको मृत्यु भएको जिल्ला प्रहरी कार्यालय महोत्तरीले जनाएको छ।
डीएसपी सन्तु जैसवालका अनुसार शनिबार राति रड र धारिलो हतियार लिएर घर प्रवेश गरेको समूहले झामाथि आक्रमण गरेका थिए। रडले प्रहार गर्दा उनको घटनास्थलमै मृत्यु भएको प्रहरीले जनाएको छ। लुटेरामध्ये चार जना छिमेकीको घरतर्फ रहेको आँपको रुख चढेर छतबाट हामफाली एक्कासि घरभित्र प्रवेश गरेर वृद्धमाथि आक्रमण गरेका प्रत्यक्षदर्शीले बताएका छन्। त्यसक्रममा उनीहरुले सुनका गहना र एक लाख भारतीय रुपैयाँसमेत लुटेर लगेका छन्। प्रहरीले घटनाको अनुसन्धान अघि बढाइएको जनाएको छ।
यो खबर पढेर तपाईलाई कस्तो महसुस भयो ?
+1
+1
+1
+1
+1
Post Comment