फेसबुकमा प्रधानमन्त्री ओलीलाई गालीगलौज गर्ने वाइसीएल जिल्ला सचिव पक्राउ, साइबर अपराधको मुद्दा
७ भदौ , काठमाडौं। नेपाल विद्युत प्राधिकरणका कार्यकारी निर्देशक कुलमान घिसिङलाई खेदेको भन्दै सामाजिक सञ्जालमा प्रधानमन्त्री केपी ओली, उनको पार्टी नेकपा एमाले र समर्थकविरुद्ध गाली गलौज गरेको आरोपमा कराते प्रशिक्षक राजन लामा पक्राउ परेका छन्।
उनीविरुद्ध काठमाडौं जिल्ला अदालतमा साइबर अपराध गरेको आरोपमा अभियोग पत्र दायर भएको छ। धादिङको गजुरी गाउँपालिकामा करार खेलकुद प्रशिक्षकका रुपमा कार्यरत लामा माओवादीनिकट वाइसीएलका जिल्ला सचिव पनि हुन्। प्रहरीले लामालाई साउन २७ गते पक्राउ गरेको थियो।
लामाले फेसबुकमा ‘कुलमान घिसिङलाई अख्तियार लगाएर अपमानजनक बहिर्गमन गर्ने बाटोमा केपी ओली लागे नेकपा एमाले को त म भन्दीन केपी ओलीलाई बा भन्नेहरुलाई गाउँ अनि समाजदेखि नै सखाप पार्ने जिम्मा चै म आफैँ नी लिन्छु धन्यवाद। अत सम्पूर्ण देशमक्त युवाहरुलाई यो एमाले र कांग्रेस सरकारले श्रीलंका र बंगलादेश अवश्य नै बनाउने भए त्यसैले यिनिीहरुलाई पातो कसेर देश कटाउन हार्दिक आह्वान गर्छु’ सहितका थुप्रै फेसबुक स्टाटस लेखेको प्रहरीले जनाएको छ।
यो खबर पढेर तपाईलाई कस्तो महसुस भयो ?
+1
+1
+1
+1
+1
Post Comment