ज १ च १९०८ नम्बरको एम्बुलेन्सबाट अवैध लागुऔषध ओसार पसार हुन्छ भन्ने सूचना आएपछि चेक गर्दा विभिन्न परिमाणका लागू औषध भेटिएको प्रहरीको भनाई छ । मंसिर २० गते ५ बजे बिपी राजमार्गको सडक हुँदै काठमाडौं जाँदै गरेको एम्बुलेन्सलाई प्रहरीले चेक जाँच गरेको थियो । जिल्ला प्रहरी कार्यालय, काभ्रेपलाञ्चोकका अनुसार, मंसिर २० गते राति  शंकास्पद अवस्थामा ४४ वर्षीय सुरेश मिजार रहेको प्रहरीले जनाएको छ ।  मिजार रोशी गाउँपालिका-६ का स्थायी बासिन्दा हुन्। प्रहरीले पक्राउ गरेका व्यक्तिको साथबाट विभिन्न प्रकारका लागुऔषध बरामद गरिएको छ। बरामद सामानहरूमा नोफिन – २ मि.लि. का १००० भाइल, डाइजेपाम -२ मि.लि. का १००० भाइल,फेनरगन-२ मि.लि. का १००० भाइल छ ।

प्रहरीले मिजारलाई नियन्त्रणमा लिएपछि उनको साथमा रहेको सवारी साधनसमेत जाँच गर्दा झोलाभित्र विभिन्न कम्पनीका लागू औषध फेला परेको थियो। प्रहरीका अनुसार पक्राउ गरिएका व्यक्तिलाई थप अनुसन्धानका लागि म्याद थप गरि जिल्ला अदालत, काभ्रेपलाञ्चोकमा पेश गरिएको प्रहरीले जनाएको छ। जिल्ला प्रहरी कार्यालय काभ्रेका सूचना अधिकारी प्रहरी नायब उपरीक्षक मिन बहादुर घलेले लागू औषध नियन्त्रणका लागि स्थानीय नागरिकहरूलाई सतर्क रहन र कुनै शंकास्पद गतिविधि देखिएमा प्रहरीलाई जानकारी दिन आग्रह गरेको छ।