३१ भदौ , सोमबार पनि नेप्सेमा उच्च अंकको गिरावट आएको छ।आइतबार ५०.७३ र सोमबार ५७.०३ अंक यो दुई दिनमा सेयर बजार १०७ अंकले घटेको छ। सोमबार नेप्से २.१६ प्रतिशतले घटेर २५८०.७६ विन्दुमा बन्द भएको छ। यसदिन अघिल्लो दिनको तुलनामा कारोबार रकममा पनि गिरावट आएको छ। आइतबार १० अर्ब ३३ करोड रूपैयाँको कारोबार भएकोमा यसदिन सात अर्ब ३६ करोड रूपैयाँको कारोबार भएको छ। अघिल्लो दिनको तुलनामा कारोबार रकममा २ अर्ब ९७ करोड रूपैयाँ कमी आएको हो। आज ३१२ वटा धितोपत्रको एक करोड ७० लाख ६१ हजार ८०७ कित्ता सेयर किनबेच भएको हो।सोमबार १४ कम्पनीको सेयर मूल्य बढेको छ भने २२७ वटाको घटेको छ। यस्तै, तीन कम्पनीको सेयर मूल्य स्थिर रहेको छ।यसदिन आत्मनिर्भर लघुवित्तको सेयर मूल्य सर्वाधिक १० प्रतिशतले बढेर प्रतिकित्ता मूल्य पाँच हजार ५०० रूपैयाँ कायम भएको छ।यसैगरी, हिमालयन हाइड्रोपावरको मूल्य ९.९९ प्रतिशतले बढेर प्रतिकित्ता मूल्य ५१४ रूपैयाँ २० पैसा पुगेको छ।यस्तै, गुडविल फाइनान्सको मूल्य सर्वाधिक ९.९१ प्रतिशतले घटेर प्रति कित्ता मूल्य ९४५ रूपैयाँमा झरेको छ।थ्री स्टार हाइड्रोपावरको मूल्य ९.३६ प्रतिशतले घटेको छ।  उक्त कम्पनीको प्रतिकित्ता मूल्य ८४८ रूपैयाँ कायम भएको छ।सोमबार सिइडिबी हाइड्रोपावरको सर्वाधिक कारोबार भएको छ। कम्पनीको प्रतिकित्ता मूल्य एक हजार ९५१ रूपैयाँमा ३१ करोड ११ लाखको सेयर कारोबार भएको छ। यो मूल्य अघिल्लो दिनको तुलनामा ४.१३ प्रतिशत घटेको हो। सर्वाधिक सेयर खरिद–बिक्री हुने दोस्रो कम्पनीमा सानिमा रिलायन्स लाइफ इन्स्योरेन्स रहेको छ। उक्त कम्पनीको प्रतिकित्ता ५६३ रूपैयाँमा २७ करोड ४२ लाख रूपैयाँ बराबरको सेयर कारोबार भएको छ।  आज कारोबारमा आएका १३ वटा समूहगत परिसूचकमध्ये सबै समूहको परिसूचक घट्दा समग्र नेप्से घटेको हो।यसदिन वित्त समूहको परिसूचक सर्वाधिक ५.६६ प्रतिशतले घटेको छ भने दोस्रोमा व्यापार समूहको परिसूचक २.७६ प्रतिशतले घटेको छ।