गायक उदित नारायणको घरमा आगलागी, एकको मृत्यु
२४ पुस, मुम्बई– लोकप्रिय गायक उदित नारायण झाको मुम्बईस्थित अपार्टमेन्टमा आगलागी भएको समाचार सार्वजनिक भएको छ । भारतीय सञ्चार माध्यमहरुले जनाए अनुसार मंगलवार साँझ उनको ११औं तल्लामा रहेको अपार्टमेन्टमा अचानक आगलागी हुन थालेको थियो, जसका कारण एक जना व्यक्तिको निधन भएको तथा अन्य केही गम्भिर घाइते भएको बताइएको छ ।
यो घटना मुम्बईको अन्धेरी वेस्टस्थित शास्त्री नगरको स्काईप्यान अपार्टमेन्टमा भएको हो । आगोका कारण करिव ७५ वर्षका राहुल मिश्राको निधन भएको बताइएको छ, जो उदित नारायणका छिमेकी थिए । घटनामा राहुलका आफन्त रौनक मिश्रालाई गम्भिर घाइते भएका छन् ।
समाचारमा जनाएए अनुसार आगलागको कारण एउटा बलिरहेको दीयालाई मानिएको छ, जसबाट पर्दामा आगो लागेको थियो र त्यहाँबाट आगो फैलिन थाल्यो । घटनापछि राहुलकी श्रीमतीले सहयोगका लागि कराउन थालेकी थिइन् । उनलाई सहयोग गर्नका लागि सुरक्षा गार्ड दौर्डि, तर त्यतिबेला सम्म आगो निकै फैलिसकेको थियो ।
घटनालगत्तै दमकलकर्मीहरुले आगो नियन्त्रणमा लिनका लागि प्रयास थालेका थिए । राति करिव ११ः४५ बजेमात्र आगोमाथि नियन्त्रण प्राप्त भएको थियो, तर त्यो बेलासम्म धातु तथा काँचका टुक्रा जमीनमा झरिसकेका थिए । यो घटनाले उक्त भवनमा जाने बाटो नै अवरोध भएको थियो भने बिद्युतको आपूर्ति पनि बन्द गरिएको थियो । यो घटनामा उदित नारायण झा तथा उनको परिवार पूर्ण रुपले सुरक्षित रहेको छ ।यसअघि गत पुस १० गतेका दिन बलिउडकै अर्का गायक शानको बान्द्रास्थित फर्च्यून एन्क्लेभ बिल्डिङमा पनि आगो लागेको थियो, जसका कारण ठूलो क्षति भएको थियो । शान तथा उनको परिवारलाई सुरक्षित रुपमा बाहिर निकालिएको थियो ।
यो घटनापछि घरमा दीयो बाल्दा निकै सावधानी अपनाउनु पर्ने देखिएको छ । जाडो मौसममा न्यायो हुनका लागि प्रयोग गरिने हिटर लगायत अन्य विद्युतीय सामग्रीहरुसमेत आगलागीको कारण बन्न सक्छन् ।
Post Comment